Cubbuu Waaqayyo Irratti Raawwatamee fi Seera Kakuu Haaraa

Amantiin Dhugaa Waaqayyo Fudhatu Abboommii Isaa Garaa Keenya Keessatti Eeguudha

Waaqayyo warra lammummaa Samii qaban, garaa Sanbata, Faasiikaa fi Ayyaanota Torba kan Siʼa Sadii jaallatuun, seera Isaa akka eeganiif isaan uume. Kanaaf, warra afaan isaaniitiin Waaqayyoon waaman garuu seera Waaqayyoo dhiisanii seera waaqa aduu hordofan hundaaf, Inni waa’ee cubbuu isaanii akeekkachiisa isaaniif kenna, “Ani isin hin beeku” jechuudhaan.

Waldaan Waaqayyoo Faasiikaa Kakuu Haaraa Waaqayyo Abboome Ni Eegdi

Addunyaa guutuun yoo jijjiiramellee, wanti gonkumaa hin jijjiiramne tokko seera Waaqayyooti. Yesuus Faasiikaa waggaa 2,000 dura kan eegan yoo ta'u, Kiristoos Aansaanghoong fi Waaqayyo Haadha Bara Hafuura Qulqulluu keessattis eeganiiru. Faasiikaa eeguudhaan fakkeenya Isaanii hordofuun amantii sirrii, Waaqayyoon giddu galeessa godhatedha.

“Nama fedhii Abbaa koo isa samii irraa raawwatu malee namni, ‘Yaa Gooftaa, yaa Gooftaa’ naan jedhu hundi mootummaa samiitti hin galu. Ani immoo, ‘Narraa fagaadhaa! Isin warra hammina hojjettan, ani gonkumaa isin hin beekne’ jedhee ifaan ifatti isaanitti nan hima. Maatewos 7:21–23

Garuu namni qulqulluu taʼee karaa hin deemin yoo Faasiikaa ayyaaneffachuu baate inni sababii yeroo murtaaʼetti aarsaa Waaqayyoo hin dhiʼeessiniif saba isaa keessaa haa balleeffamu. Namichi sun gatii cubbuu isaa ni argata. Lakkoobsa 9:13