Kaitorno Kebengwi Sumsok Khlaimarok tei Swmai Kwtalni Kerong

Chini Khá-o Kaitorni Dagimungno Tẃimani Abo Se Bó Yachakmani A Kubui Poito

Kaitor chuknohani bororokni kháno omo hai khe snam kha bórok Sabatno, Yókma Terno, tei uáithamno khe tẃijakmani kaisnini terno mulaja gwnang hwnwi romwi, bórok Bini kerongrokno rákhokna tẃi khe. Aboni bagwino, Kaitorni kerongno tẃi yaui sal mwtaini kerongno rwktharwi bórokni khúk bai simi Kaitorno ringnai jotonono, Bó bórokno bórokni sumsokno twẃi hus khlai kha, hai hwnwi saui: “Ang norokno sini ya.”

Kaitor Dagimani A Swmai Kwtalni Yókma Terno Kaitorni Motha Tẃi-o

Tumung swngchar gwnangwi sláijak phano, jesa khe phano sláijak ya a kaisa wng kha Kaitorni kerong. Jisu 2,000 bisi swkango Yókma Terno tẃi lang kha, tei Khristo Ahnsahnghong tei Ama Kaitorbo haino Phola Kwtharni molo abono tẃi phai kha. Bórokni phunukmarino rwktharwi Yókma Terno tẃimani’-no Kaitorno kwcharo tonjak, a sói poito.

“Ano ‘Subrai, Subrai!’ hwnnairok bórok bebak’-no Kaitorni ha-o habwi man glak, tamo khe chuknohani Aphani muchung tẃi tongnairok simi se habwi man anw. Ang aphuru khe bórokno hai hwnwi sa anw, ‘Ang norokno si se sini ya. Ani oroni tháng di chengtarok!’ ” Mathai 7:21–23

Hwn ba khoroksa swk kwthar khe tong khe tei lamarogo bo wng yak khe hai phano bo yókma ter panda khlai ya hwn khe a borok bini bororokni aroni khagwi rohorjaknai a borok bini sakni sumsokno ma rujunai. Lekhamung 9:13