ದೇವರ ವಿರುದ್ಧ ಮಾಡಿದ ಪಾಪಗಳು ಮತ್ತು ಹೊಸ ಒಡಂಬಡಿಕೆಯ ನಿಯಮ

ದೇವರು ಅಂಗೀಕರಿಸುವ ನಿಜವಾದ ನಂಬಿಕೆಯೆಂದರೆ ಆತನ ಆಜ್ಞೆಗಳನ್ನು ನಮ್ಮ ಹೃದಯದಲ್ಲಿಟ್ಟುಕೊಂಡು ಕೈಗೊಳ್ಳುವುದಾಗಿದೆ

ಪರಲೋಕದ ಪೌರತ್ವವನ್ನು ಹೊಂದಿರುವವರು ಆತನ ನಿಯಮಗಳನ್ನು ಕೈಗೊಳ್ಳುವಂತೆ, ದೇವರು ಅವರನ್ನು ಸಬ್ಬತ್, ಪಸ್ಕ ಹಬ್ಬ ಮತ್ತು ಮೂರಾವರ್ತಿಯ ಏಳು ಹಬ್ಬಗಳನ್ನು ಗೌರವಿಸುವ ಹೃದಯಗಳೊಂದಿಗೆ ಸೃಷ್ಟಿಸಿದರು. ಆದ್ದರಿಂದ, ದೇವರನ್ನು ತುಟಿಗಳಿಂದ ಕರೆಯುತ್ತಾ, ದೇವರ ನಿಯಮದ ಬದಲು ಸೂರ್ಯ-ದೇವನ ನಿಯಮವನ್ನು ಅನುಸರಿಸುವ ಎಲ್ಲರಿಗೂ, “ನಾನೆಂದೂ ನಿಮ್ಮ ಗುರುತು ಕಾಣೆನು” ಎಂದು ಹೇಳುತ್ತಾ, ದೇವರು ಅವರ ಪಾಪದ ಬಗ್ಗೆ ಎಚ್ಚರಿಕೆ ನೀಡುತ್ತಾರೆ.

ದೇವರು ಆಜ್ಞಾಪಿಸಿದ ಹೊಸ ಒಡಂಬಡಿಕೆಯ ಪಸ್ಕ ಹಬ್ಬವನ್ನು ಚರ್ಚ್ ಆಫ್ ಗಾಡ್ ಆಚರಿಸುತ್ತದೆ

ಇಡೀ ಲೋಕವೇ ಬದಲಾದರೂ, ಎಂದಿಗೂ ಬದಲಾಗದ ಒಂದೇ ಒಂದು ವಿಷಯವೆಂದರೆ ದೇವರ ನಿಯಮವಾಗಿದೆ. 2,000 ವರ್ಷಗಳ ಹಿಂದೆ ಯೇಸು ಪಸ್ಕ ಹಬ್ಬವನ್ನು ಆಚರಿಸಿದರು ಮತ್ತು ಪವಿತ್ರಾತ್ಮನ ಕಾಲದಲ್ಲಿ ಕ್ರಿಸ್ತ ಅನ್ ಸಂಗ್ ಹೊಂಗ್ ರವರು ಮತ್ತು ತಾಯಿ ದೇವರು ಸಹ ಅದನ್ನು ಆಚರಿಸಿದ್ದಾರೆ. ಅವರ ಮಾದರಿಯನ್ನು ಅನುಸರಿಸಿ ಪಸ್ಕ ಹಬ್ಬವನ್ನು ಆಚರಿಸುವುದೇ ದೇವರ ಮೇಲೆ ಕೇಂದ್ರೀಕೃತವಾದ ಸರಿಯಾದ ನಂಬಿಕೆಯಾಗಿದೆ.

ನನ್ನನ್ನು ಸ್ವಾಮೀ, ಸ್ವಾಮೀ ಅನ್ನುವವರೆಲ್ಲರು ಪರಲೋಕರಾಜ್ಯದಲ್ಲಿ ಸೇರುವರೆಂದು ನೆನಸಬೇಡಿರಿ; ಪರಲೋಕದಲ್ಲಿರುವ ನನ್ನ ತಂದೆಯ ಚಿತ್ತದಂತೆ ನಡೆಯುವವನೇ ಪರಲೋಕರಾಜ್ಯಕ್ಕೆ ಸೇರುವನು. ಆಗ ನಾನು ಅವರಿಗೆ - ನಾನೆಂದೂ ನಿಮ್ಮ ಗುರುತು ಕಾಣೆನು; ಧರ್ಮವನ್ನು ಮೀರಿನಡೆಯುವವರೇ, ನನ್ನಿಂದ ತೊಲಗಿಹೋಗಿರಿ ಎಂದು ಎಲ್ಲರ ಮುಂದೆ ಹೇಳಿಬಿಡುವೆನು. ಮತ್ತಾಯನು 7:21–23

ಆದರೆ ಯಾವನಾದರೂ ಶುದ್ಧನಾಗಿಯೂ ಪ್ರಯಾಣಮಾಡದೆಯೂ ಇದ್ದು ಪಸ್ಕಹಬ್ಬವನ್ನು ಆಚರಿಸದೆ ತಪ್ಪಿದರೆ ಅವನು ತನ್ನ ಕುಲದಿಂದ ತೆಗೆದುಹಾಕಲ್ಪಡಬೇಕು. ಅವನು ಯೆಹೋವನಿಂದ ನೇವಿುತವಾದ ಯಜ್ಞವನ್ನು ಗೊತ್ತಾದ ಕಾಲದಲ್ಲಿ ಸಮರ್ಪಿಸದೆ ಹೋದದರಿಂದ ತನ್ನ ದೋಷಫಲವನ್ನು ಅನುಭವಿಸಬೇಕು. ಅರಣ್ಯಕಾಂಡ 9:13