Na Marau ni iValavala Ca kei Na Marau ni Lomalagi

Ni da Muria na Bula i Karisito, E Dau Tiko na Rarawa Vata kei na Bibi ni Kauveilatai.

Me vaka sa volai, “O ira yadua sa gadreva me ra bulataka na bula vakalou ena vuku i Karisito Jisu era na vakacacani,” ka me vaka a kaya o Jisu, “Kevaka e dua sa via muri au, me . . . colata ga na nona kauveilatai . . . ka muri au,” e dua na gauna lekaleka ni rarawa ena dau muria na nodra bula o ira kece era bula me baleta na lagilagi ni matanitu vakalomalagi.

Na Cava na Kosipeli i Karisito Ahnsahnghong kei na Kalou na Tinada era Vunautaka o Ira Era Digitaka na Marau ni Matanitu o Lomalagi?

Erau a bula vakayago o Iso kei Jutasa Isikarioti, ka rau vakasaqara na marau ni ivalavala ca, ka qai tini vakayalia na veivakalougatataki ni matanitu vakalomalagi. Ia, o Mosese, Jekope, Taniela, kei na tolu na nona itokani eratou a vorata rawa na veika dredre ena nodratou vakamareqeta vakalevu cake na marau ni Lomalagi. Sa vakakina, o ira na lewe ni Lotu ni Kalou era biuta na nodra inuinui ki na marau ni Lomalagi sa yalataka tu na Kalou, ka soli ira me ra vunautaka na veivakalougatataki ni veiyalayalati vou Siga ni Vakacecegu kei na Lakosivia, me vaka ga e vakarota o Koya.

E na vuku ni vakabauta sa bese kina ni vakatokai me luve i koya na luvenitui yalewa o Mosese ni sa tamata bula mai. A sa digitaka o koya me la'ki vakararawataki vata kei ira na tamata ni Kalou ka sega ni vinakata me bau la'ki marautaka vakalekaleka mada ga na i valavala ca ena siga eso. A sa okata o koya ni sai yau levu cake na veivakalialiai sa sota kaya ena vuku i Karisito ka lailai na i yau kei Ijipita; ni sa rai matua tikoga o koya ki na i covi sa wawa tu mai liu. Iperiu 11:24–26