[ពេលដើរតាមឆាកជីវិតរបស់ព្រះគ្រីស្ទ គឺតែងតែមានការរងទុក្ខ រួមជាមួយនឹងទម្ងន់នៃឈើឆ្កាងជានិច្ច]
ដូចដែលមានសរសេរទុកថា «អស់អ្នកណាដែលចង់រស់ ដោយគោរពប្រតិបត្តិដល់ព្រះគ្រីស្ទយេស៊ូវ នោះនឹងត្រូវមានសេចក្ដីបៀតបៀនដែរ» ហើយដូចដែលព្រះយេស៊ូវបានមានបន្ទូលថា «បើអ្នកណាចង់មកតាមខ្ញុំ ត្រូវឱ្យអ្នកនោះផ្ទុកឈើឆ្កាងខ្លួន ហើយមកតាមខ្ញុំ» នោះទុក្ខលំបាកមួយរយៈខ្លី នឹងកើតមានក្នុងជីវិតរបស់អ្នកដែលរស់នៅ សម្រាប់សិរីល្អនៃនគរស្ថានសួគ៌។
[តើដំណឹងល្អរបស់ព្រះគ្រីស្ទអាន់សាំងហុង និងព្រះមាតា ដែលត្រូវប្រកាសដោយអស់អ្នកដែលជ្រើសរើសយកសេចក្តីអំណរនៃនគរស្ថានសួគ៌នោះ គឺជាអ្វី?]
អេសាវ និងយូដាស-អ៊ីស្ការីយ៉ុត បានរស់នៅតាមសាច់ឈាម ដោយដេញតាមសេចក្ដីអំណរខាងអំពើបាប រហូតដល់បាត់បង់ព្រះពរនៃនគរស្ថានសួគ៌ នៅទីបំផុត។ ប៉ុន្តែ ម៉ូសេ យ៉ាកុប ដានីយ៉ែល និងមិត្តភក្តិទាំងបីរបស់គាត់ បានយកឈ្នះលើការលំបាកទាំងអស់ ដោយសារពួកគាត់ឱ្យតម្លៃលើសេចក្តីអំណរខាងស្ថានសួគ៌ខ្លាំងជាង។ ដូចគ្នាដែរ សមាជិកពួកជំនុំនៃព្រះ បានដាក់សេចក្តីសង្ឃឹមទៅលើសេចក្តីអំណរខាងស្ថានសួគ៌ ដែលព្រះបានសន្យា ហើយខំប្រឹងអស់ពីចិត្តក្នុងការប្រកាសប្រាប់ព្រះពរនៃថ្ងៃឈប់សម្រាក និងបុណ្យរំលងសញ្ញាថ្មី តាមសេចក្ដីបង្គាប់របស់ទ្រង់។
ដោយសារសេចក្តីជំនឿ លុះលោកធំហើយ នោះលោកមិនព្រមឱ្យគេហៅខ្លួន ជាកូនរបស់បុត្រីផារ៉ោនទេ លោកស៊ូរងទុក្ខលំបាកជាមួយនឹងរាស្ត្ររបស់ព្រះ ជាជាងមានសេចក្តីអំណរខាងអំពើបាប ដែលនៅតែ១ភ្លែតនោះវិញ ដោយបានរាប់សេចក្តីដំនៀលដែលគេតិះដៀលដល់ព្រះគ្រីស្ទ ទុកជាទ្រព្យសម្បត្តិប្រសើរជាងអស់ទាំងរបស់ថ្លៃវិសេសនៅស្រុកអេស៊ីព្ទ ដ្បិតលោកសំឡឹងចំទៅឯរង្វាន់វិញ ហេព្រើរ ១១:២៤-២៦
- ថ្ងៃបង្ហាញ
- 9 កក្កដា 2026
