Chwng Khristoni Langmano Rwkthar Phuru Khe, Krusni Hilikmani Logi-o Je Phuru Phano Tektobo Tongo
Hai hwnwi swijak tongo, “Khristo Jisu bai thansa wngwi Kaitorno suriui tongna nainairok bórok bebak’-no sátokjaknai,” tei Jisu, “Ani logi phaina khe a borok . . . bini krus balwi ani logi phai thung,” hwnwi samani hai khe, chuknohani chẃngsachani bagwi tongwi tongnairokni jotoni langma-o srapsa jorani bagwi tekto pha se phainai.
Chuknohani Tongthokmungno Chongwi Nanairok Bai Pírjakmani Khristo Ahnsahnghong Tei Ama Kaitorni A Kothoma Kaham Tamo?
Esau tei Judas Iskariot khe sumsokni tongthokmungrokno rwktharwi, bahan bwthẃini mote khe tongwi tong kha, tei páithago khe chuknohani hamarirokno kwmajak kha. Hai phano, Musi, Jakob, tei Daniel bai bini khoroktham kichingsong khe chuknohani tongthokmungrokno teibo kuchuk khe mulaja rwui tongkutukrokno kwplai wng kha. Abo hai kheno, Kaitorni Mothani adongrok bórokni asamungno Kaitor bai swmai rwjakmani a chuknohani tongthokmungrogo beraui, tei dagijakmani hai kheno Sabat sal tei Yókma Ter a swmai kwtalni hamarirokno pírmani-o sakno yapharwi tongo.
Musi sikla sógwi bo Pharaoni bwsajwkni bwsla hwnwi gosina soi ya wngmani abo wng kha poito khlaima bai se. Srapsani bagwi sumsogo tongthok laiwi tongmani slái Kaitorni bororok bai baksa sátokjakmano se bo hamjago. Ijipni bebak rang-ríni slái Masiani bagwi hamya hwnjakmani abo se ham kugo hwnwi bo saui man súk kha; tamni hwn khe bo ulni manthaino se naharo. Hibru 11:24–26
- আগের তারিখ
- 2026 Jul 9
- সহানুভূতি
- 0
