Parsiani Habugra, Sairas Hai Khe: Bororokni Thinangno Swkangni Simino Baibelo Swijak se
Parsiani habugra, Sairas, Baibelo bini sakno twẃi a kók diyarino naitugwi manwi, aswk khe khá nangjagwi Israilsarokno khaui tonjakmani yakni phiyógwi, hakhe Jerusalemmo nokthar snammani hai khe, chwngbo haino Baibelo swijak tongmani a kók diyarirokno puitu khlainani nangnai. Sairas kuthuk khe khátungmung bai kupulung wngmani hai khe, chwngbo haino Kaitor chwngno dagimani a kothoma kahamno chini bebak khá bai tei phola bai khe pírnani nangnai.
Khristo Ahnsahnghong bai Ama Kaitorno Kirinai Siyonni A Chuknohani Bwsarokni Bagwi Swmai
Jisu Rangchakni rangni rwngthomani bising tẃi phrwngmani hai khe, Bó Kaitorni kóktháino kirinairokni bagwi kaisa chẃngsacha thinang tiyar khlai kha: bórok Kaitor bai mol brúm brúm khe tong phlainai, chuknoha-o mol brúm brúmni chẃngsachano tongthogwi—je jaga-o thwimung eba khe muisubuk chaui ma kapmani eba khe bwsak sajakmani tong glak.
Aphuru ang ha kwtal bai nokha kwtal nuk kha. Swkangni ha bai swkangni nokha kwmaui tháng kha, twijlangbo kwrwi kha. . . . “Bo bórokni mokolni bebak muktwi hu-ui rwnai. Bórok tei thwina nang glak, muisubuk chaui kapna nang glak, bwsakrok sajakna nang glak. Agi tongmani bebak’-no kwma bai kha.” Phunukjakmani 21:1–4
- আগের তারিখ
- May 22, 2026
- সহানুভূতি
- 5
