ପାର୍ମେଶ୍ୱାର୍ରାଃ କାଲିସିୟାରେନ୍ ହାଗାମିସିକ ନିକୁ ଏନ୍ ତେଲେଙ୍ଗା ତାନ୍କ ଅକନ୍କ ବିଶ୍ୱାସ୍ରାଃ ପେଡ଼େଃତେଗେ ଗୋଟା ଦିଶୁମ୍କ ଦୁଃଉଏ ତାନା
ସୁକୁକାଜି କାମିରେୟାଃ ଜୋ ନାମଃ ଚାଏ କା ନାମଃ ଏନା ନେ କାଜିରେ ପକ୍ତାଃଅତାନା ଚି ଆବୁୱାଃ ବିଶ୍ୱାସ୍ ପାର୍ମେଶ୍ୱାର୍ରେ ଚିମିନ୍ କେଟେଃୟା। ଆବୁକେ ଚିଲ୍କା ପାର୍ମେଶ୍ୱାର୍ ଗୀଦନ୍ ଆର୍ ୟାହଶୁୱାଃ ଦିପିଲିରେନ୍ ତେଲେଙ୍ଗାକରେ ଉଦୁବାଦ୍ବୁଆ, ଏନ୍ଲେକାଗେ ଏନ୍ ହଡ଼କ ଅକନ୍କୱାଃ ବିଶ୍ୱାସ୍ ଆକୱାଃ ଦିପିଲିରାଃ ନେଡାକ ଆର୍ ଅଡ଼ାଃରାଃ କାଜିକତେ ନାରାଦୁରାଃଅ ତାନା, ଇନ୍କୁ ପାର୍ମେଶ୍ୱାର୍ ଫାଉଦ୍କଏତେକ ଅଡ଼ଙ୍ଗ୍ ଏଣ୍ଡାଗଃ ତାନା, ଅଡ଼ଃ ପାର୍ମେଶ୍ୱାର୍ରେ କେଟେଃ ବିଶ୍ୱାସେତାନ୍ ହଡ଼କଗେ, ଜିତାଃଅରାଃ ଇତୁହାସ୍ ଅଲେ ନାଗେନ୍ତେକ ସାଲାଃଅ ତାନା।
ପାବିତ୍ର ଆତ୍ମାଃ ଦିପିଲିରେ ସୁକୁକାଜିରେନ୍ ଫାଉଦ୍କ ନାଗେନ୍ତେରାଃ କାଜି: “ଏନାମେନ୍ତେ ସେନଃପେ ଅଡ଼ଃ ସୋବେନ୍ ଦିଶୁମ୍ରେନ୍କ ଚେଲାକପେ”
ପାର୍ମେଶ୍ୱାର୍ ସୋବେନ୍ ଦିପିଲିରେ ହଡ଼କ ଉଡ଼ୁଃଗେ କାକ ଉଡ଼ୁଃଥେବାଃଏ ଲେକାନ୍ ହୋରାତେ ଆୟାର୍କେଦ୍କଆ। ପାବିତ୍ର ଆତ୍ମାଃ ଦିପିଲିରେୟଗେ, ଚିମ୍ତା ଆବୁ ଖ୍ରୀଷ୍ଟ୍ ଆନ୍ ସାଙ୍ଗ୍ ହୋଙ୍ଗ୍ ଅଡ଼ଃ ଏଙ୍ଗା ପାର୍ମେଶ୍ୱାର୍ରାଃ କାଜି, “ଅତେ ଦିଶୁମ୍କେ ଦୁଃଉଏପେ,” ନେୟାଁରେ ବୁଗିଲେକାତେବୁ ବିଶ୍ୱାସେରେଦ, ଆବୁ ସିର୍ମାରେନ୍ ଫାଉଦ୍କୱାଃ କାମିବୁ ପୁରା ଧାଳିୟା, ଏନାଗେ ରାଇଜ୍ ରେୟାଃ ସୁକୁକାଜି ପୁରାଃଅରେୟାଃ କାମି ତାନାଃ।
ୟୀଶୁ ଖ୍ରୀଷ୍ଟାଃ ବୁଗିନ୍ ତେଲେଙ୍ଗାଲେକା ଆଇଁଙ୍ଗ୍ଲଃ ସାହାତିଙ୍ଗେମେ। ଆଚୁୱାକାଃଇନିଃଗେ ସୁକୁ ଇଚି ନାଗେନ୍ତେ ଜେତା ତେଲେଙ୍ଗା ଆସୁଲେନ୍ କାମିରେ କାକ ମେସାନା। 2ତିମୁଥିୟା 2:3-4
ଅଡ଼ଃ ୟୀଶୁ ହିଜୁଲେନ୍ତେ ଇନ୍କୁଇ କାଜିଆଦ୍କଃଆ,”ସିର୍ମା ଅଡ଼ଃ ଅତେରେୟଃ ସୋବେନ୍ ଆକ୍ତିଆର୍ ଆଇଁଙ୍ଗାଃ ତିଃଈରେ ଏମାକାନା। ଏନାମେନ୍ତେ ସେନଃପେ, ଅଡ଼ଃ ସୋବେନ୍ ଦିଶୁମ୍ରେନ୍କ ଚେଲାକପେ; ଅଡ଼ଃ ଇନ୍କୁ ଆପୁ, ଅଡ଼ଃ ହନ୍, ଅଡ଼ଃ ପାବିତ୍ର ଆତ୍ମା ନୁତୁମ୍ରେ ବାପ୍ତିସ୍ମାକପେ, ଅଡ଼ଃ ଆଇଁଙ୍ଗ୍ ଆଚୁତାଦ୍ପେ ସୋବେନ୍ କାଜି, ମାନାତିଙ୍ଗେ ନାଗେନ୍ତେ ଇତୁକପେ, ଅଡ଼ଃ ତେର୍! ଆଇଁଙ୍ଗ୍ ସୋବେନ୍ ଦିପିଲେରେ, ହେଗେ ଅତେ ଦିଶୁମ୍ରେୟାଃ ଟୁଣ୍ଡୁ ଜାକେଦ୍ ଆପେଲଃଇଁଙ୍ଗ୍ ତାଇନା। ମାତି 28:18-20
- Post Date
- Mar 20, 2026
- Emotion
- 0
