Kaitorni Sengkrakrok tei Poito

Kaitorni Mothani Adongrok Wng Kha Kaitorni Kothoma Kahamni Srngkrakrok se Bórok Poito Bai Khe Swngcharno Mwthango

Kothoma kahamni samung khlaiwi manmani eba khe khlaiwi manya wngmani abo chwng Kaitorno bwswk kwrak khe poito khlai aro se nirbor khlai-o. Kaitor chwngno Gideon bai Josuani jorani chobano phunukamani hai kheno, bórokni tongboyar bai tei tonghalokrok bai ninangnarokno khe Kaitorni sengkrakrokni aroni khak jak kha, tei Kaitorno poito krak khe khlainairokno simi se kwplai wngmungno laibumano swinani bagwi samungo phnangjago.

Phola Kwtharni Molni Kothoma Kahamni Sengkrakrokni Bagwi Kókthairok: “Swngchar Gwnangwi Bebak Borokni Thani Thángwi Bórokno Ani Sagri Snamwi Di:”

Kaitor bebak molno khoroksa phano uansugwi manya abo hai khe tẃither kha. Phola Kwtharni molo suda, chwng Khristo Ahnsahnghong bai Ama Kaitorni, “Swngcharno mwthang di,” hwnmani a kóktháirokno puitu khlaisuk phuru khe, chwng chuknohani sengkrakrokni missionno pura khlai anw, abo wng kha kothoma kahamni bugrahano pura khlainani se.

Khristo Jisuni sengkrak kaham wngwi nwng bui bai baksa sátokjagwi tong di. Sengkrak samung tang phuru bini bokhorokno se khá ham rwna nai-o, abo baino bo borok bángla tong tẃi khe tong li ya. 2 Timothi 2:3–4

Jisu bórokni thani phaiwi bórokno hai hwnwi sa kha, “Chuknoha bai swngcharni bebak phan ani yago yapharjak kha. Aboni bagwino tháng di, swngchar gwnangwi bebak borokni thani thángwi bórokno ani sagri snamwi di: Pha, Sajla tei Phola Kwtharni mungwi bórokno baptisma rw di. Ang norokno joto dagima hai khe tongna bagwi bórokno phrwng di. Phiya muitu narwk di, o mol pái ya sak ang norok bai máng tongo.” Mathai 28:18–20