Kasundalohan sa Dios ug Pagtuo

Ang mga miyembro sa Church of God Mao ang mga Sundalo sa Ebanghelyo nga Nagluwas sa Kalibutan Uban sa Pagtuo

Ang kalampusan o kapakyasan sa buluhaton sa ebanghelyo nagdepende kon unsa kalig-on ang atong pagtuo sa Dios. Sama sa gipakita sa Dios kanato sa mga gubat sa mga adlaw ni Gideon ug Josue, kadtong kansang pagtuo natay-og sa ilang palibot ug mga kahimtang wala giapil sa kasundalohan sa Dios, ug kadto lamang nga adunay lig-on nga pagtuo sa Dios ang gigamit sa pagsulat sa kasaysayan sa kadaugan.

Mga Pulong ngadto sa Kasundalohan sa Ebanghelyo sa Panahon sa Balaang Espiritu: “Sa inyong pagpanglakaw himoa nga akong mga tinun-an ang tanang katawhan sa tibuok kalibotan.”

Ang Dios naggiya sa matag panahon sa paagi nga walay tawo nga makahunahuna. Bisan sa panahon sa Espiritu Santo, kon kita hingpit nga motuo sa mga pulong ni Cristo Ahnsahnghong ug sa Dios Inahan, “Luwasa ang kalibutan,” atong matuman ang misyon sa langitnong kasundalohan, nga mao ang pagkompleto sa ebanghelyo sa gingharian.

Pakig-ambit sa mga pag-antos ingon nga maayong sundalo ni Cristo Jesus. Gusto sa usa ka sundalo nga mahimuot ang iyang labaw busa dili siya mag-apil-apil sa kalihokan nga walay labot sa iyang pagkasundalo. 2 Timothy 2:3–4

Miduol si Jesus ug miingon kanila, “Gihatag kanako ang tanang gahom sa langit ug sa yuta. Tungod niini, sa inyong pagpanglakaw himoa nga akong mga tinun-an ang tanang katawhan sa tibuok kalibotan. Bunyagi sila sa ngalan sa Amahan, sa Anak ug sa Espiritu Santo ug tudloi sila pagtuman sa tanan nga akong gisugo kaninyo. Ug hinumdomi! Ako mag-uban kaninyo sa kanunay hangtod sa kataposan sa kalibotan.” Matthew 28:18–20