Ka Kynhun Shipai jong U Blei bad ka Jingngeit

Ki Dkhot jong Ka Balang U Blei ki Long ki Shipai Gospel Kiba Pynim ïa ka Pyrthei Da ka Jingngeit

Ka jingjop ne ka jingrem jong ka kam gospel ka shong haduh katno ka jingngeit jong ngi ha U Blei ka skhem. Kumba U Blei u la pyni ïa ngi ha ki thma ha ki sngi jong u Gideon bad u Joshua, kito kiba ka jingngeit jong ki ka la shah pynkhih ha ki sawdong sawkun bad ki jinglong jingman jong ki, la kyntait noh na ki shipai U Blei, bad tang kito kiba don ka jingngeit baskhem ha U Blei la pyndonkam ban thoh ïa ka histori jong ka jingjop.

Ki Ktien sha ki Shipai Gospel ha ka Juk jong U Mynsiem Bakhuid: “To Khie Da Leit Noh Ma Phi, To Pynlong Synran Ïa ki Bynriew Baroh”

U Blei u la ïalam ïa ki juk baroh ha ka rukom ba ym don u briew uba lah ban mutdur. Wat ha ka juk jong U Mynsiem Bakhuid, haba ngi ngeit pura ïa ki ktien jong U Khrist Ahnsahnghong bad Ka Blei Ka Kmie, “To pynim ïa ka pyrthei,” ngin pyndep ïa ka mishon jong ki shipai bahabneng, kata ka long ban pyndep ïa ka gospel jong ka hima.

Ma me, namar kata, to shah shitom bad nga, kum u shipai babha U Jisu Khrist. Ym don uba pynsuh sat ïa lade da kiei kiei ki jong kane ka jingim haba u leit ïaleh thma; khnang ba un ïoh pynsngewbha ïa uta uba la thung shipai ïa u. 2 Timothi 2:3–4

U Jisu te u da wan u la kren ha ki, u da ong, “La ai ha nga ka bor baroh ha bneng bad ha ka khyndew: namar kata keiñ, to khie da leit noh ma phi, to pynlong synran ïa ki bynriew baroh, da pynbaptis ïa ki ha ka kyrteng ka jong U Kpa, bad ka jong U Khun, bad ka jong U Mynsiem Bakhuid, da hikai ïa ki ban sumar ïa kiei kiei baroh kat kiba nga la hukum ïa phi. Ha khmih ruh, nga, nga long ryngkat bad phi ha la ka sngi, haduh kaba wai noh ka pyrthei.” Matthaïos 28:18–20