Kumno Ngi Lah Ban Wan sha U Nongpynim Uba Ai Ïa Ngi ka Um ka Jingim? Ngi Donkam ban Pule ïa ka Baibl.
Namar ba ki 66 tylli ki kitab jong ka Baibl ki don ka lynti ban wan sha U Nongpynim bad ka jingstad ban ithuh ïa ka jingshisha bad ka jinglamler, U Blei u maham ïa ngi ban ym pynlang ne shim noh ei ei na ka Baibl, hynrei, ban bud tang katkum ki ktien U Blei. Ar hajar snem mynshuwa, U Jisu marwei u la pyrta, “To wan sha Nga ban shim ïa ka um ka jingim,” hynrei, U la hikai ïa ngi ba mynta ngi dei ban wan sha U Mynsiem bad Ka Nongleit-kurim ban ïoh ïa ka um ka jingim bad ban don ka jingim bymjukut.
Ka Kmie Jerusalem ka Don Ryngkat bad ki Dkhot jong ka Balang U Blei Kiba La Ïoh ïa ka Um ka Jingim.
U Isaïah u la ïathuhlypa ba U Blei un ïalam ïa ki khun jong U sha ka pukri ka um ba-im, bad U Blei Ahnsahnghong, U Mynsiem Bakhuid, uba la pyndep ïa ki jingïathuhlypa baroh jong ka Baibl, u la ïalam ïa u khun bynriew sha Ka Kmie Jerusalem Bahabneng, Ka Nongleit-kurim jong U Mynsiem Bakhuid bad ka tyllong jong ka um ka jingim.
Te U Mynsiem bad kata ka nongleit-kurim ki ïa-ong, “To wan.” Bad uta uba ïohsngew to un ong, “To wan.”Bad jar uba sliang, to ai un wan: bad jar uba mon, to un shim ei ïa ka um ka jingim. Jingpynpaw 22:17
Kumne u ong U TRAI, “Ha ka Ïa badiang hun nga la sngap ïa me, bad ha ka sngi ka jingpynim nga la ïarap ïa me . . . namar uta uba isynei ïa ki un btin ïa ki, hajan ki umpohliew ruh un ïalam ïa ki.” Isaïah 49:8–10
- Ka Tarik Buh
- Nov 21, 2025
- Ka Jingsngewlem
- 0
