E mafai faapefea ona tatou o mai i le Faaola o le na tuuina mai ia i tatou le vai o le ola? E tatau ona tatou faitauina le Tusi Paia.
Talu ai o tusi e 66 o le Tusi Paia o loo i ai le ala e o mai ai i le Faaola ma le poto e iloa ai le mea moni mai le pepelo, ua lapataia ai i tatou e le Atua e aua nei faaopoopo pe toesea se mea mai le Tusi Paia, ae ia mulimuli tau lava e tusa ai ma afioga a le Atua. I le lua afe tausaga ua mavae, na o Iesu lava na alaga atu, "O mai ia te au ina ia talia le vai o le ola," ae ua Ia aoao mai ia i tatou o le taimi nei e tatau ona tatou o mai i le Agaga ma le faatoanofotane ina ia maua ai le vai o le ola ma maua ai le ola e faavavau.
O loo faatasi le Tina o Ierusalema ma tagata o le Ekalesia a le Atua o e ua maua le vai o le ola.
Na valoia e Isaia o le a taitai atu e le Atua Lana fanau i le puna o le vai ola, ma o le Atua Ahnsahnghong, le Agaga Paia, o le na faataunuuina valoaga uma o le Tusi Paia, ua taitaiina tagata i le Tina Faalelagi o Ierusalema, o le Faatoanofotane a le Agaga Paia ma le puna o le vai o le ola.
Ua fetalai mai le Agaga ma le faatoanofotane, Ina sau ia; ina fai atu foi ia o lē faalogo, Ina sau ia; o lē fia inu, ina sau ia, atoa ma lē manao i ai, ina ave fua ia le vai o le ola. Faaaliga 22:17
O loo faapea ona fetalai mai o Ieova, O ona po o le alofa ua ou tali atu ai ia te oe; o le aso e faaolaina ai ua ou fesoasoani ai ia te oe; . . . auā o le ua alofa ia i latou, na te ave ia te i latou, na te ta‘ita‘iina foi i latou i vaipuna. Isaia 49:8–10
- Aso Tusia
- Nov 21, 2025
- Tigāalofa
- 0
