Chwng Mwthangnai Tẃí Rwnai a Mwthangnaisani aro bahai Khe Phaiwi Mannai? Chwng Baibelno Porinani Nangnai.
Baibelni 66 bijabo mwthangnaisani aro phainani lama tei phatrani kubuino khagwi buchinani bagwi elem tongo ba, Kaitor chwngno Baibelo kók tháisa swk phano ta thepa di eba khe aroni kók tháisaswk phano ta swkwma di hwnwi huj khlai-o, phiya ba Kaitorni kóktháírokni mote khe simi se rwthar di hwnwi sa-o. Nwisai bisi swkango, Jisu sachungno, “Mwthangnai tẃino yachaknani bagwi Ani aro phai di,” hwnwi ring kha, phiya ba tabuk khe, Bó chwngno, chwng, mwthangnai tẃino yachaknani bagwi tei thwi phlai ya langmano mannani bagwi Phola bai Hamjwk Kwtalni aro se phainani nangnai hwnwi phrwng kha.
Mwthangnai Tẃíno Yachakjak a Kaitorni Mothani Adongrokni Logi-o Se Jerusalem Ama Tongo.
Jisaia diyari hai hwnwi kók diyari sasok kha Kaitor Bini bwsarokno mwthangnai twini twimugo tẃithernai hwnwi, tei Baibelni bebak kók diyarirokno phnang phainai a Phola Kwthar Khristo Ahnsahnghong, bororokno Chuknohani Ama Jerusalemni aro tẃither phai kha, Bó wng kha Phola Kwtharni Hamjwk Kwtal tei mwthangnai twini yaphang.
Phola bai Hamjwk kwtal “Phai di!” hwnwi sa-o. O kók khnanairok joto’-no “Phai di!” hwnwi ma sanai. O twi kangnai borok, phai di. O twi nungna muchungnai borok, mwthangnai twino ahai’-no nung phai di. Phunukjakmani 22:17
Subraiyung hai hwnwi sa-o: “Ang khairoknani jora-o nini surimano khna kha, tei mwthangjaknani salo nono chuba kha; . . . tamo khe bórokno khairoknairok, bórokno tẃidulnai, tei twimuk tongmani tẃi bórokno béngjaknai. Jisaia 49:8–10
- আগের তারিখ
- Nov 21, 2025
- সহানুভূতি
- 0
